რატომ არის მნიშვნელოვანი ფილტვის კიბოს სკრინინგის ჩატარება
კვლევები აჩვენებს, რომ ფილტვის კიბოს სკრინინგი 20%-ით ამცირებს ფილტვის კიბოთი გამოწვეულ სიკვდილიანობას იმ ადამიანებში, რომელთაც დაავადების განვითარების მაღალი რისკი აქვთ. დაავადების ადრეულ სტადიაზე დიაგნოსტირება მნიშვნელოვნად ზრდის მკურნალობის კეთილ გამოსავალს. სკრინინგი გვეხმარება დაავადება გამოვავლინოთ ადრეულ სტადიაზე, მაშინ როდესაც მკურნალობა მეტად ეფექტურია.
ვისთვის არის რეკომენდებული ფილტვის კიბოს სკრინინგის ჩატარება
ფილტვის კიბოს სკრინინგის ჩატარება რეკომენდებულია მათთვის, ვინც არის 50 + ასაკობრივ ჯგუფში და აქვს დაავადების განვითარების მაღალი რისკი.
ფილტვის კიბოს რისკ-ფაქტორებია:
- ქრონიკული მწეველები ან პასიური მწეველები (დღეში 20 ღერი სიგარეტი 30 წლის განმავლობაში);
- მოქმედი ან ყოფილი მწეველები, რომლებმაც მოწევას თავი დაანებეს უკანასკნელი 15 წლის განმავლობაში;
- ფილტვის ქრონიკული დაავადებების (ფქოდი ან ფილტვის ფიბროზი) მქონე პირებში;
- ნებისმიერი სხვა სიმსივნის Პირადი ანამნეზი;
- ფილტვის კიბოს ანამნეზი პირველი რიგის ნათესავებში.
Რა პროცედურებს მოიცავს ფილტვის კიბოს სკრინინგი
ფილტვის კიბოს სკრინინგში ერთადერთი რეკომენდებული გამოკვლევაა დაბალდოზირებული კომპიუტერული ტომოგრაფია. კვლევის დროს პაციენტი წევს მაგიდაზე და მოწყობილობა იყენებს გამოსხივების დაბალ დოზას ფილტვების გამოსახულების მისაღებად. გამოკვლევა გრძელდება რამდენიმე წუთს, არ არის მტკივნეული და ინვაზიური.
თუკი თქვენი მკურნალი ექიმი რაიმე პათოლოგიას შენიშნავს ფილტვის სკრინინგის დროს, დიაგნოსტიკის მიზნით დაიგეგმება სხვა სახის რადიოლოგიური კვლევები. ასევე, შესაძლოა დაიგეგმოს დამიზნებითი ბიოფსია კომპიუტერული გამოსახულების კონტროლით მასალის მომდევნო პათომორფოლოგიური შესწავლისთვის.